"Мичил" детсад бастакы сыбаайатын түһэрии

Чурапчыбыт улууһугар туелбэбит олохтоохторугар 8.02.19с чыыьыла5а дьин чахчы уеруулээх  күн буолан ааста. Сэлиэнньэ олохтоохторо өр сылларга ыра санаа оҥостубут "Мичил"детсад бастакы сыбаайатын түһэрии  үөрүүлээх дьаһала үрдүк таһымҥа буолла.

Бу дьаһалга  СӨ Бырабыытыластыбатын Бэрэссэдээтэлин солбуйааччы О.В. Балабкина, Чурапчы улууһун баһылыга А.Т. Ноговицын, тутууну сүрүннүүр «Прогресс» тэрилтэ салайааччыта А.С.Пинигин, тутааччылар, дьаһалта,  үөрэх эйгэтин үлэһиттэрэ, детсад коллектива, сэлиэнньэ олохтоохторо  кыттыыны ыллылар. Саха норуотун сиэринэн аал уот алгыһын Чурапчы улууһун Бочуоттаах олохтооҕо С.С. Морфунов толорон, баҕа санаа бастыҥын көрдөстө. Бу кэккэ сылларга "Мичил" уһуйаан төһө да уустук усулуобуйаҕа үлэлээн-хамсаан  кэллэр, коллектив саҥалыы көрүүнү, инновацияны күүскэ олоххо  киллэрэн, оҕолор дьоҕурдарын сайыннарыыга утумнаах  дьыаланы саҕар. Түгэни туһанан уһуйаан сэбиэдиссэйэ М.Н. Яковлева  республика Правительствотыгар, Үөрэх министерствотыгар, улуус дьаһалтатыгар, үөрэх салалтатыгар  махтал тылларын эттэ.

Бу федеральнай бырагараамманан тутуллар 98 миэстэлээх саҥа таас уһуйаан,  элбэх төрөппүт, иитиллээччи  үөрэ-көтө кэлэр  дьиэтинэн буолуо диэн улахан эрэл баар. Маныаха, тутуу бириэмэтигэр уонна хаачыстыбалаахтык барарыгар биллэн туран, сүрүн болҕомтону ууруу билигин хаһааҥҥытааҕар да наада.